ඒ මහතා මේ බව කියා සිටියේ අද ශ්‍රී ලංකා නිදහස් පක්ෂ කාර්යාලයේ දී පැවති මාධ්‍ය සාකච්ඡාවකට එක් වෙමිනි.
එමෙන්ම, ත්‍රිකුණාමලයෙහි පිහිටි තෙල් ටැංකි ඉන්දියාවට පැවරීමට කිසිසේත්ම කටයුතු නොකරන බවත්, එම සම්පත් ජාතික සම්පත් ලෙස භාවිතයට ගැනීමට කටයුතු කරන බව මහින්ද රාජපක්ෂ මහතා එම ඉන්දීය සංචාරයේ දී කියා සිටි බවත්, මේ වන විට එම තෙල් ටැංකි වල අයිතිය තහවුරු කර ගැනීම පිළිබඳ ව IOC සමාගම සමඟ සාකච්ඡා කරමින් පවතින බවත් කියා සිටියේය.
ඒ පිළිබඳව අයිතිය නිරවුල් ව තහවුරු කර ගැනීමෙන් අනතුරුව මෙරට සම්පතක් වන ත්‍රිකුණාමලයෙහි පිහිටා ඇති තෙල් ටැංකි ආරක්ෂා කර ගනිමින් ඒවා ප්‍රතිසංස්කරණය කර මෙරට සම්පත් ආරක්ෂා කර ගැනීමට කටයුතු කරන බවත්, මෙම රජය කිසිසේත්ම එවැනි වටිනා ජාතික සම්පත් විදේශයන්ට අළෙවි නොකරන බවත් රාජ්‍ය අමාත්‍යවරයා විසින් ත්‍රිකුණාමලයෙහි පිහිටි තෙල් ටැංකි බොහොමයක් භාවිතයට නොගැනීම සහ ඒවායේ ප්‍රතිසංස්කරණයන් පිළිබඳ ව මාධ්‍යවේදියෙකු නැඟූ ප්‍රශ්නයකට පිළිතුරු වශයෙන් කියා සිටියේය.
