ශ්‍රී ලංකාවේ ජපාන තනාපති අකිරා සුගියාමා (AKIRA SUGIYAMA) මහතා (13) පෙරවරුවේ මහනුවර පල්ලේකැලේ පිහිටි මධ්‍යම පළාත් සභා කාර්යාලයේදී මධ්‍යම පළාත් ආණ්ඩුකාර නීතිඥ ලලිත් යු ගමගේ මහතා හමු විය.
මෙහිදී දෙරටටම වැදගත් වන කරුණු රැසක් සම්බන්ධයෙන් ආණ්ඩුකාරවරයා සහ තානාපතිවරයා අදහස් හුවමාරු කරගත් අතර, ජපානය විසින් ශ්‍රී ලංකාවට ලබාදෙන ආධාර පිළිබදව ආණ්ඩුකාරවරයා දැනුවත් කළ සුගියාමා මහතා ජනාධිපති ගෝඨාභය රාජපක්ෂ මහතාගේ නව රජය ගෙන යන වැඩ පිළිවෙල ද අගය කළේය. මෙම සුහද හමුව අවසානයේදී දෙරටට මිත්‍රත්වය සංකේතවත් කරමින් සමරු ඵලක හුවමාරුවක් ද සිදුවිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
