ශ්‍රි ලංකා ගුවන් හමුදා 69 වන සංවත්සරයට සමගාමීව අඛණ්ඩව 21 වන වරටත් පවත්වනු ලබන ගුවන් හමුදා පාපැදි සවාරිය මාර්තු මස 5,6 සහ 7 යන දිනයන් හි දී පැවැත් වේ. මෙම පා පැදි සවාරිය සඳහා ශ්‍රී ලංකාවේ ප්‍රමුඛ පෙලේ පාපැදි තරඟකරුවන් 150කට අධික ප්‍රමාණයක් සහභාගී වීමට නියමිතය.
පාපැදි ක්‍රිඩාව ශ්‍රි ලංකාව තුළ ප්‍රචලිත කරමින් ව්‍යාප්ත කිරිම හා පාපැදි තරඟකරුවන් අතර තරඟකාරිත්වය ඇති කිරිමේ අරමුණින් පැවැත්වෙන මෙම පාපැදි සාවරිය ජාතික පාපැදි සම්මේලනයේ නීතිරිති වලට, ජාත්‍යන්තර ප්‍රමිතින්ට හා අධික්ෂණය යටතේ පවත්වනු ලබයි.
ශ්‍රි ලංකා ගුවන් හමුදාව ශ්‍රි ලංකා පාපැදි සම්මේලනය සමඟ එක්ව සංවිධානය කරනු ලබන මෙම පාපැදි සවාරිය සඳහා ප්‍රධාන අනුග්‍රහකයා වශයෙන් සොෆ්ට්ලොජික් සමාගම කටයුතු කරන අතර ගුවන් හමුදා පාපැදි සවාරියේ නිල මාධ්‍ය අනුග්‍රහයා ලෙස ජාතික රූපවාහිනිය කටයුතු කරනු ලබයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
