ඒ අනුව පසුගිය දින දෙක තුළ පමණක් වට්ටක්කා කිලෝ 30000 ක් රජයෙන් මිළ දී ගෙන ඇති බව අනුරාධපුර දිස්ත්‍රික් මාධ්‍ය ඒකකය පවසයි. පසුගිය කන්න වල දී මෙන්ම විලච්චිය ප්‍රදේශයේ ගොවි ජනතාවගේ වට්ටක්කා අස්වැන්න ඉහළින් ලැබී තිබේ. දැනට අලෙවි කිරීමට ඇති වට්ටක්කා ප්‍රමාණය කිලෝ ග්රෑම් එක්ලක්ෂ පනස්දහසකට ආසන්නය . මුළු දිස්ත්‍රික්කයේම දැනට හදුනාගෙන ඇති වට්ටක්කා කිලෝ ප්‍රමාණය ලක්ෂ තුනකට ආසනන්න වේ. ජනාධිපති කාර්යාලයේ අනුදැනුම ඇතිව අනුරධපුර මහ දිසාපති ආර්.එම්. වන්නිනායක මහතා ගේ මෙහෙයවීමනේ මෙම වට්ටක්කා මිල දී ගැනීම සිදුකරයි. එය ඒ ඒ ප්‍රදේශීය ලේකම්වරුන් මාර්ගයෙන් සිදු කෙරේ.
එම වට්ටක්කා තොග කොළඹ ඇතුළු වෙනත් ප්‍රදේශවලට රැගෙන යාමට කටයුතු යොදා ඇත. එහිදී සිවිල් ආරක්ෂක දෙපාර්තමෙන්තුවෙන් නොමද සහයක් ලැබේ. වට්ටක්කා කිලෝවක් රජයෙන් මිල දී ගන්නේ රුපියල් 30 ක මිළකටයි.
DMU/Anuradhapura
