කොවිඩ්-19 වසංගතය හේතුවෙන් මාසික විදුලි බිල මේ දක්වා නිකුත් කිරීමක් සිදු නොවුනද එය පාරිභෝගිකයා අපහසුතාවයකට ලක් නොවන ආකාරයෙන් විදුලි බිල ගණනය කිරීමක් සිදු කරන බව ලංකා විදුලි බල මණ්ඩලයේ සාමාන්‍යාධිකාරි ඩී.ඩී.කරුණාරත්න මහතා රජයේ නිල වෙඩ් අඩවිය කළ විමසුමක දී පැවසීය.
වැඩිදුරටත් අදහස් දැක් වු ඒ මහතා පැවසුවේ, ජනවාරි හා පෙබරවාරි මාසයන්හි මාසික විදුලි බිල පාරිභෝගිකයා වෙත ලබා දී ඇති අතර මේ වන විට මාර්තු මාසයේ මැද භාගයේ සිට විදුලි බිල නිකුත් කිරිමට නියමිත ව ඇති බවය.
කෙසේ වුවද, අප්‍රේල් මස 20 වන දින සිට දෛනික රාජකාරි ආරම්භ කිරීමට රජය පියවර ගතහොත් අප්‍රේල් මාසයේ විදුලි බිල නිකුත් කිරිමට හැකි වනු ඇතැයි ඩී.ඩී.කරුණාරත්න මහතා වැඩිදුරටත් සදහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
editor@news.lk
