මෙම ගැසට් පත්‍රය ප්‍රධාන කොටස් හතරකින් යුක්ත වන අතර සාමාන්‍ය පරිදි ආනයනය කළ හැකි භාණ්ඩ, විශේෂ වෙළඳ භාණ්ඩ පනත යටතේ වැඩි බදු මුදලක් ගෙවා ආනයනය කළ හැකි භාණ්ඩ ,දින 90කට පසු විදේශ විනිමය ගෙවිය හැකි භාණ්ඩ සහ තාවකාලිකව ගෙන්වීම නතර කර ඇති භාණ්ඩ වශයෙනි.
ලංකා ඉතිහාසයේ දරුණුතම විදේශ විනිමය අර්බුදයට අප මුහුණ දී ඇති බවත් කොවිඩ් වසංගතය හේතුවෙන් විනිමය අනුපාතය සහ මූල්‍ය වෙළෙඳ පොළ ඇති වී තිබෙන අස්ථාවර තත්ත්වය හමුවේ මෙරටට ඇතිවන පී‍ඩනය අවම කර ජාතික ආර්ථිකයක් ගොඩ නැගීම සඳහා මෙම තීරණය ගත් බවත් අමාත්‍යවරයා වැඩිදුරටත් පැවසීය.
මෙරට ප්‍රධාන ආදායම් මාර්ගයක් වන සංචාරක කර්මාන්තය බිඳ වැටීම වැනි හේතු නිසා රට තුළ ට විදේශ විනිමය ගලා ඒම අඩු වී ඇති බව පැවසූ අමාත්‍යවරයා, මුදලේ අගය ස්ථායී කර, විදේශ විනිමය අර්බුදයට මුහුණ දීම සඳහා ගත් මෙම තීරණය සම්බන්ධයෙන් යම් පුද්ගලයෙක්ට යම් ගැටලුවක් තිබේ නම්, මුදල් අමාත්‍යංශයේ ලේකම්වරයාට විද්‍යුත් තැපෑල මගින් තම ගැටලු අභියාචනා ඉදිරිපත් කරන ලෙසද ඉල්ලා සිටියේය.
