ඕස්ට්‍රේලියාවේ සිට කිරි ගවයින් 2500ක් ආනයනය කිරිමට ගත් කැබිනට් තීරණය සම්බන්ධයෙන් අද(29) ප්‍රවෘත්ති දෙපාර්තමේන්තුවේ පැවති කැබිනට් මාධ්‍ය හමුවේදී මාධ්‍යවේදියෙකු නැගූ පැනයකට පිළිතුරු දෙමින් අමාත්‍යවරයා මේ බව සඳහන් කළේය.
"සෞභාග්‍යා වැඩසටහන" යටතේ සුළු හා මධ්‍යම පරිමාණ දේශීය කිරි ගොවින් නගා සිටුවීම සහ ඔවුන්ට අවශ්‍ය තාක්ෂණික සහය ලබා දීම සඳහා අමාත්‍ය චමල් රාජපක්ෂ විසින් එම කැබිනට් පත්‍රිකාව ඉදිරිපත් කර තිබේ.
පසුගිය වසරේදී (2019) කිරිපිටි ආනයනය සඳහා ඇමරිකානු ඩොලර් මිලියන 312ක් වැය වී ඇති බවත් රටින් පිටට ගලා යන මෙම මුදල් අඩු කර ගැනීමට සහ මෙරටට ගලා එන විදේශ විනිමය වැඩි කර ගැනීම සඳහා මෙවැනි ක්‍රියාමාර්ග ගත යුතු බවද අමාත්‍යවරයා අවධාරණය කර සිටියේය.
