රැකියා ලබා ගත යුත්තේ එමඟින් රටේ ආර්ථිකයට සහ ප්‍රගමනයට දායකවීම සඳහා බව ජනාධිපති ගෝඨාභය රාජපක්ෂ මහතා ඊයේ (19) රත්නපුර දිස්ත්‍රික්කයේ පැවති ජන හමුවක දී උපාධිධාරීන් පිරිසකගේ රැකියා ලබාදීමේ වැඩපිළිවෙල සම්බන්ධව අඳහස් දක්වමින් කියා සිටියේය.
ජනාධිපති ගෝඨාභය රාජපක්ෂ මහතා මෙසේ ද කියා සිටියේය.
“උපාධිධාරීන් ආර්ථිකයට වඩා ඵලදායී අංශ වෙත යා යුතුයි.ආර්ථිකයට ඍජු කොටස්කාරයින් වන උපාධිධාරීන් අපට අවශ්‍ය වෙනවා. ගම්වලට උපාධිධාරී ගුරුවරුන්, කෘෂිකර්මාන්තය පිළිබඳ හරි අවබෝධයක් තිබෙන උපාධිධාරීන් නැහැ. මෙම තත්ත්වය වෙනස් කිරීමට අවශ්‍යයි.”
එමෙන්ම, කුමන අංශයක හෝ වේවා උපාධිධාරීන් යනු රටක සිටින හොඳම කොටස වන බවත්, ඔවුන් රටේ ආර්ථිකයට අවශ්‍ය හොඳම දේ සිදුකරන්නට කටයුතු කළ යුතු වන බවත් ජනාධිපති ගෝඨාභය රාජපක්ෂ මහතා එහි දී වැඩිදුරටත් කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
