කොළඹ 05 හි පිහිටි ලුම්බිණි රගහල නවීකරණය හා ප්‍රතිසංස්කරණය කිරීමට නාගරික සංවර්ධන, ජල සම්පාදන හා නිවාස පහසුකම් අමාත්‍යවරයා වශයෙන් අග්‍රාමාත්‍යතුමන් ඊයේ (22) අමාත්‍යමණ්ඩල රැස්වීමේ දී ඉදිරිපත් කළ යෝජනාව සදහා අමාත්‍යමණ්ඩල අනුමැතිය හිමිවී ඇත.
වර්ෂ 1952දී ඉදි කරන ලද ලුම්බිණි ලුම්බිණි රගහලෙහි දැනට පවතින පහසුකම් ප්‍රමාණවත් නොවන අතර, එහි ශබ්ද පරිපාලන පද්ධතිය, ආසන ප්‍රමාණය, සනීපාරක්ෂක පහසුකම් කාලයට ඔබින සේ යාවත්කාලීන වී නොමැත.
එබැවින්, එය නවීකරණය හා ප්‍රතිසංස්කරණය කිරීම පිණිස සැලසුම් කර ඇති ව්‍යාපෘතිය නාගරික සංවර්ධන අධිකාරිය හරහා ක්‍රියාත්මක කිරීමටත්, ඒ සදහා නිර්මාණය කර ඉදිකිරීමේ පදනම යටතේ ජාතික තරගකාරී ප්‍රසම්පාදන ක්‍රමවේදය අනුගමනය කරමින් සුදුසු කොන්ත්‍රාත්කරුවෙකු තෝරා ගැනීමටත් තීරණය කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
