මෙවර මහා මැතිවරණ කටයුතු සෞඛ්‍යාරක්ෂිතව පැවැත්වීම සඳහා අද (04) දවස තුළ දිවයිනේ සියලු ඡන්ද මධ්‍යස්ථාන විෂබිජහරණය කිරීමට කටයුතු කරන බව සෞඛ්‍ය පරීක්ෂක පරීක්ෂකවරුන්ගේ සංගමයේ ලේකම් මහින්ද බාලසුරිය මහතා කියා සිටී.
ඒ මහතා මේ බව කියා සිටියේ (04) රජයේ නිල පුවත් වෙබ් අඩවිය කළ විමසුමක දී ය.
එමෙන්ම, ඊයේ (03) දිනයේ දී ද ඡන්ද මධ්‍යස්ථාන විෂබිජහරණය කිරීමට කටයුතු කළ බව පැවසූ ඒ මහතා වැඩිදුරටත් කියා සිටියේ, දිවයිනේ අනිකුත් ප්‍රදේශ වලට සාපේක්ෂව ලංකාපුර සහ රාජාංගණය ප්‍රදේශ වල මැතිවරණ රාජකාරි සෞඛ්‍යාරක්ෂිත ව සිදු කරන්නේ ද යන්න නිරීක්ෂණය කිරීම සඳහා මහජන සෞඛ්‍ය පරීක්ෂකවරුන් වැඩි පිරිසක් යෙදවීමට කටයුතු කරන බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
