නිල ඡන්ද පත්‍රිකා මෙතෙක් ලැබී නොමැති ඡන්දදායකයන් හට නිල ඡන්ද දැන්වීම් පත්‍රිකා ළඟම තැපැල් කාර්යාල වලින් ලබාගත හැකි බව රජයේ නිල පුවත් වෙබ් අඩවියට අදහස් දක්වමින් තැපැල්පති රංජිත්
ආරියරත්න මහතා පැවසුවේය.
ඒ අනූව නිල ඡන්ද පත්‍රිකා මෙතෙක් ලැබී නොමැති ඡන්දදායකයන් හට තම ප්‍රදේශයේ තැපැල් කාර්යාල වෙත ගොස් තම අනන්‍යතාවය තහවුරු කර නිල ඡන්ද දැන්වීමේ පත්‍රිකා ලබාගැනීමේ හැකියාවක් පවතී.
මැතිවරණ කොමිසමේ නිල වෙබ් අඩවිය ඔස්සේද නිල ඡන්ද දැන්වීම් පත්‍රිකාවක දෙවන පිටපතක් භාගත කළ හැක. නිල ඡන්ද දැන්වීම් පත්‍රිකාවක් නොමැති අපේක්ෂකයෙකුට වුවද, ලියාපදිංචි වී ඇත්නම් තම අනන්‍යතාවය තහවුරු කරමින් ඡන්දය ප්‍රකාශ කිරීමේ හැකියාවක් පවතී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
