ජනතාව නිවැරදි තත්ත්වයන්ට යොමු කරමින් රටේ ජනතාව නිරෝගිමත් පරපුරක් බිහිකිරීම සදහා ඉලක්කගත වැඩ පිළිවෙලකට ගෙනයාමට බලාපොරොත්තු වන බව සෞඛ්‍ය ඇමතිනී පවිත්‍රා වන්නිආරච්චි මහත්මිය පැවසුවේය.
අමාත්‍යවරිය මේ බව පැවසුවේ ඊයේ (12) මහනුවර මගුල් මඩුවේ පැවති නව අමාත්‍ය මණ්ඩල දිවුරුම් දීමේ උත්සවයෙන් පසු මාධ්‍යයට අදහස් දක්වමිනි.
විශේෂයෙන් අද රටේප්‍රධාන වශයෙන් පවතින බෝවන රෝග මෙන්ම බෝ නොවන රෝගත් රටේ ජනතාවට විශාල වශයෙන් පවතින බවත්, එමනිසා රටේ ජනතාව නිවැරදි ආහාර රටාවකට හුරු කිරීම මෙන්ම නිවැරදි සෞඛ්‍ය පුරුදු ඇතිකිරීමට කටයුතු කරන බවත් අමාත්‍යතුමිය වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
