වාලච්චේන කඩදාසි කම්හලේ වැඩ ඇරඹූ සේම ඇඹිලිපිටිය කඩදාසි කම්හලත් සම්පූර්ණයෙන්ම රජයේ ආයතනයක් වශයෙන් වැඩ ඇරඹීමට බලාපොරොත්තු වන බව කර්මාන්ත අමාත්‍ය විමල් වීරවංශ මහතා පැවසුවේය.
ඔහු මේ බව ප්‍රකාශ කළේ, ඊයේ (12) මහනුවර මගුල් මඩුවේ පැවති නව අමාත්‍ය මණ්ඩල දිවුරුම් දීමේ උත්සවයෙන් පසු මාධ්‍යයට අදහස් දක්වමිනි.
ඒ වගේම මිනිරන්, ඛණිජ වැලි වගේ දේවල් වල අගය එකතු කිරීමේ කර්මාන්ත මෙරට ඇරඹීමට සැලසුම් සකස් කර ඇති බවත් අමාත්‍යවරයා වැඩිදුරටත් පැවසුවේය. දේශීය කර්මාන්තකරුවන් හට මුහුණදීමට සිදුව ඇති ගැටලු විසදීම සදහා ජනාධිපති කාර්යසාධක බලකායක් පිහිටුවා ඒ හරහා ඔවුන්ගේ ගැටලු විසදා දීමටත් අනිවාර්යායෙන් කටයුතු කරන බවත් අමාත්‍යවරයා වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
