ජනතාවගේ බලාපොරොත්තු අහස උසට ඇති බවත්, ජනතාව අතිශය බලාපොරොත්තු තබාගනිමින් අමාත්‍යවරුන්හට බලය ලබාදී ඇති බවත්, ජනතාවගේ බලාපොරොත්තු ඉටුකිරීමේ වගකීම සහ යුතුකම තමන්වෙත පවතින බවත් ජනමාධ්‍ය ඇමති කෙහෙලිය රඹුක්වැල්ල මහතා පැවසුවේය.
ඔහු මේ බව ප්‍රකාශ කළේ ඊයේ (12) මහනුවර මගුල් මඩුවේ පැවති නව අමාත්‍ය මණ්ඩල දිවුරුම් දීමේ උත්සවයෙන් පසු මාධ්‍යයට අදහස් දක්වමිනි.
රටේ ජනතාව වගකීමක් භාරදී ඇති බවත්, යුතුකම් ඉටු කිරීමේ භාරදූර කාර්යයභාරය සහ අභියෝගය ද තමන් වෙත පවතින බවත් අමාත්‍යවරයා වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
