ජනාධිපතිතුමාගේ සහ අගමැති තුමාගේ ආශීර්වාදයෙන් මඟී ප්‍රවාහනය ශක්තිමත් කරන්න කටයුතු කරන බව නව රජයේ ප්‍රවාහන අමාත්‍යවරයා (14) පෙරවරුවේ දී ලෙස සිය ධුරයේ වැඩ භාරගනිමින් අමාත්‍ය ගාමිණී ලොකුගේ මහතා මාධ්‍ය වෙත අදහස් දක්වමින් මේ බව කියා සිටියේය.
බත්තරමුල්ල සෙත්සිරිපාය අදියර II හි පිහිටි ප්‍රවාහන අමාත්‍යංශයේ දී ඒ මහතා වැඩ භාර ගන්නා ලදී.
ඉදිරියේ දී මඟී ප්‍රවාහන සේවා ශක්තිමත් කිරීම සඳහා නව තාක්ෂණික ක්‍රමවේදයක් අනුව කටයුතු කරන බව ද, විශේෂයෙන්ම මඟී ජනතාවට ගුණාත්මක බස් සේවාවක් ලබා දීම සඳහා නවීන බස්රථ ධාවනයට යෙදවීමට ද තමා අදහස් කරගෙන සිටින බව ද ඒ මහතා වැඩිදුරටත් සඳහන් කර සිටියේය.
මෙම අවස්ථාවට ප්‍රවාහන අමාත්‍යංශයේ නව ලේකම් මොන්ටි රණවක මහතා ඇතුළු නිළධාරීන් විශාල පිරිසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
