අමාත්‍යවරයා මේ බව පැවසුවේ කලුතර වියන්ගල්ල ප්‍රදේශයේ පැවති උත්සවයකට ඊයේ(01) පස්වරුවේ එක්වෙමිනි.
එහිදී තවදුරටත් අදහස් පළ කළ අමාත්‍යවරයා මෙසේ ද සදහන් කළේය.
“2015 වර්ෂයේ අපේ රජය යන විට ලංකාවේ කුඩු සම්බන්ධ නඩු තිබුණේ 6600යි.මම රස පරීක්ෂක දෙපාර්තමේන්තුවත් එක්ක පසුගියද සාකච්ඡා කළා.2016 නඩු 8000 ක් වුණා.2017 වන විට ඒ
තත්වය 11000 ක් වෙලා.2018 වන විට 12000 ක් බවට පත් වෙලා. පසුගිය අවුරුද්දේ නඩු 16 දාහක් බවට පත් වෙලා තිබෙනවා.මේ අවුරුද්දේ මේ මාස කිහිපයට මේ දක්වා කුඩු සම්බන්ධ නඩු 13 දාහක්
වාර්තා වෙලා තිබෙනවා.මේ තත්වයෙන් මේ රට බේරගන්න ඕන.” වැඩිදුරටත් අදහස් දැක්වූ අමාත්‍යවරයා පැවසුවේ කුමන තත්වයකදී හෝ මත් ද්‍රව්‍ය නැති කිරීමට සියලු පියවර ගන්නා බවයි.
එමෙන්ම මේ රටේ ජාතික සමඟිය ඇති කිරීමට තමා සියලු ආකාරයේ කටයුතු සිදු කරන බවද අමත්‍යවරයා පවසයි.
