මෙරට තවමත් ඇත්තේ ඉංග්‍රීසින් විසින් ලිපිකරුවන් බිහිකිරීම සඳහා හඳන්වා දුන් අධ්‍යාපන ක්‍රමය බවත් අපට එම අධ්‍යාපන ක්‍රමය හඳුන්වා දුන් එංගලන්තයේ පවා අධ්‍යාපන ක්‍රමය මේ වන විටත් වෙනස් කර ඇතැයිද අමාත්‍යවරයා කීය.
ශිෂ්‍ය කේන්ද්‍රීය, ප්‍රායෝගික සහ රැකියා කේන්ද්‍රීය අධ්‍යාපන ක්‍රමයක් බිහි කර යුතු බවද අමාත්‍යවරයා කීය. මෙවැනි අධ්‍යාපන ක්‍රමයක් බිහි කර ගන්නා තුරු වසරක් පාසා මතුවන මෙම උපාධිධාරින්ගේ ගැටළුවට රජයට විසඳුම් ලබා දීමට සිදුව ඇති බවද අමාත්‍යවරයා කීය.ශ්‍රම වෙළෙඳපොළේ ඉල්ලන උපාධිධාරියා සහ වත්මන් අධ්‍යාපන ක්‍රමයෙන් බිහිවන උපාධිධාරියා අතර වෙනසක් පවතින බවත් ඒ සඳහා රජය අවධානය යොමු කර ඇති බවත් අමාත්‍යවරයා පැහැදිළි කළේය.
