ඒ කොළඹ රිමාන්ඩ් සහ මැගසින් බන්ධනාගාරවලට යොමුකෙරෙන රිමාන්ඩ් රැදවියන් කොරෝනා තත්වය යටතේ නිරෝධායනය සදහා යොමුකෙරන දළපොත පල්ලන්සේන බන්ධනාගාරය හදිසියේ නිරීක්ෂණයට ලක්කිරීමට එහි ගිය අවස්ථාවේදීය.
අක්කර 37ක භූමිප්‍රමාණයකට හිමිකම් ඇති මෙහි වැඩකදවුරක් ලෙස කර්මාන්ත 8ක් පවත්වා ගෙන ගියද මේවන විට බේකරි සහ වගා අංශයන් හැර සෙසු අංශ අකර්මණ්‍යවී ඇත. මසකට ලක්ෂ 20ක පමණ ආදායමක් උපයාගත හැකිව පවතින කර්මාන්ත අංශය නැවත සක්‍රිය කිරීම කෙරෙහි අවධානය යොමුකල රාජ්‍ය ඇමතිනිය ඒ සදහා වැඩපිළිවෙලක් සකස්කර අවශ්‍ය කටයුතු සම්පාදනය කිරීමට බලධාරීන්ට උපදෙස් ලබාදෙන ලදි. වඩුවැඩ, පේෂ කර්මාන්ත, කොහු ඉදල්, කොහු මෝල, මැහුම්, කම්මල්, බේකරි සහ වගා අංශයන් මෙහි සිදුකිරීමට ඇති හැකියාව පිළිබදව රාජ්‍ය ඇමතිනිය මෙහිදී අවධානය යොමු කළාය.
තරුණ වරදකරුවන්ගේ විශෝධන මධ්‍යස්ථානයක් ලෙස පවතින පල්ලන්සේන බන්ධනාගාරය කොරෝනා තත්වය යටතේ රැදවියන්ගේ නිරෝධායන කටයුතු සදහා ප්‍රමුඛතාවය දෙන මධ්‍යස්ථානයක් බවට පත්කර ඇත. මේවන විට රැදවියන් 236 දෙනෙකු මෙහි නිරෝධායනය වෙමින් සිටී.
