රුපියල් මිලියන 50ක් වටිනා එම උපකරණ තොගය සංඛ්තාත්මකව අග්‍රාමාත්‍ය මහින්ද රාජපක්ෂ මහතා වෙත භාරදීම අරලියගහ මන්දිරයේදී සිදු විය.
කොවිඩ් 19 රෝගීන්ට ප්‍රතිකාර කරන රෝහල් 06ක් සඳහා මෙම වෛද්‍ය උපකරණ කට්ටල යොමු කිරීමට නියමිතය. කොකා කෝලා සමාගම කොවිඩ් 19 වයිරසය තුරන් කිරීම සඳහා රුපියල් මිලියන 130ක පරිත්‍යාගයන් කර තිබේ.
මෙම අවස්ථාව සඳහා කොකා-කෝලා බෙවරේජස් ශ්‍රී ලංකා සමාගමේ මහජන සබඳතා අධ්‍යක්ෂ, ලක්ෂාන් මධුරසිංහ, කොකා-කෝලා බෙවරේජස් ශ්‍රී ලංකා සමාගමේ කළමනාකාර අධ්‍යක්ෂ, මයන්ක් අරෝරා, කොකා-කෝලා ශ්‍රී ලංකා පුද්ගලික සමාගමේ කළමනාකාර අධ්‍යක්ෂ පංකජ් සිංහා සහ ශ්‍රී ලංකා රතු කුරුස සංගමයේ අධ්‍යක්ෂ ජෙනරාල් වෛද්‍ය මහේෂ් ගුණසේකර යන මහත්වරු එක්ව සිටියහ
