මෙම සතියේ 8, 9, 10 සහ 11 යන දින හතරම පාර්ලිමේන්තුව රැස්වීමට නියමිත බව පාර්ලිමේන්තු නියෝජ්‍ය මහ ලේකම් සහ කාර්යය මණ්ඩල ප්‍රධානී නීල් ඉද්දවල මහතා රජයේ නිල පුවත් වෙබ් අඩවියට පැවසුවේය.
08 වනදා එනම් හෙට දින දහවල් 01ට පාර්ලිමේන්තුව රැස්වීමට නියමිත අතර එදින දිනය පුරාම සවස 6.30 වන තෙක් මහබැංකු වාර්තා පිළිබද විවාදය පැවැත්වෙන බවද ඔහු වැඩිදුරටත් පැවසුවේය.
බදාදා දින සහ බ්‍රහස්පතින්දා දින පාර්ලිමේන්තුව රැස්වනුයේ උදෑසන 10.30ටයි. එම දින දෙකෙහිදීම පනත් පිළිබදව නියෝග කිහිපයක් ගැනීමට
නියමිතව ඇත.සිකුරාදා මුළු දිනය පුරාම තොණ්ඩමන් අමාත්‍යවරයා පිළිබඳ ශෝක ප්‍රකාශය විවාදයට ගැනීමට නියමිත බවත් නියෝජ්‍ය මහ ලේකම්වරයා පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
