නාවික හමුදාව විසින් බෙන්තර ග‍ඟෙහි අවිත්තාව පාලමේ යට සිරවී තිබූ අපද්‍රව්‍ය ඉවත් කර, ජලය ගලා බැසීමට තිබූ අවහිරතා ඉවත් කිරීමට පසුගිය සතිය තුළ කටයුතු කෙරිණි.
ගතවූ සතිය තුළ පැවති අයහපත් කාලගුණ තත්වය හේතුවෙන් බෙන්තර ග‍ඟෙහි සැඩ ජල පහරට හසුව ගසාගෙන එනු ලබන විශාල උණ පඳුරු, දැව කඳන් සහ අපද්‍රව්‍ය අවිත්තාව පාලම අසල විශාල වශයෙන් සිරවීම හේතුවෙන් ජලය ක්‍රමවත්ව බැසයාම අවහිරවී තිබූ අතර, දකුණු නාවික විධානයේ නාවික කණ්ඩායමක් යොදවා පාලම තුල සිරවීතිබූ එම උණ පඳුරු, දැව කඳන් සහ අපද්‍රව්‍ය මහත් පරිශ්‍රමයක් යොදා ඉවත් කර, ජලය ක්‍රමවත්ව බැස යාමට හැකි වන පරිදි සකස් කිරීමට නාවික හමුදාව පියවර ගන්නා ලදි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
