නවීන ලෝකයට ගැළපෙන අයුරින් බතික් හා පේෂකර්ම ඇඟලුම් සඳහා නව මෝස්තර නිර්මාණ කිරිම සඳහා ලංකාවේ ප්රධානපෙළේ මෝස්තර නිර්මාණ ආයතනවලින් පිටවන සිසුන් පේෂකර්මාන්ත හා බතික් කර්මාන්ත මධ්‍යස්ථානවල සේවයට බඳවාගෙන නව නිර්මාණ එළි දැක්වීමට කටයුතු කරන බව දේශීය ඇඟලුම් නිෂ්පාදන රාජ්‍ය අමාත්‍ය දයාසිරි ජයසේකර මහතා ඉකුත්(19) දින පන්නල ජනසලු මධ්‍ය්සථානය නිරික්ෂණය කර එහි සේවකයින් අමතමින් සඳහන් කළේය.
වැඩිදුරටත් අඳහස් දැක්වූ අමාත්‍යවරයා, මේ වන විට විදේශ රටවල ජීවත්වන ශ්‍රි ලංකිකයන්ගෙන් මෙම ක්ෂේත්‍රයට විශාල ඉල්ලුමක් ඇති බව සඳහන් කළේය.
එසේම ග්‍රාමීය කාන්තාවට ශක්තිමත් ආර්ථිකයක් ලබා ගැනීමටත්,මෙය හොඳ අවස්ථාවක් බව කීය. තවද ,ගෘහ කරුමාන්තයක් ලෙසින් පවත්වාගෙන යාම සඳහා අවශ්‍ය උපකරණ (මැෂින්)ලබා දීමටද කටයුතු කරන බව ඇමතිවරයා කීය. එසේම ලංකාවේ ම රෙදි නිපදවා ගැනීමේ වැඩපිළිවෙලක් කෙසේ හෝ ආරම්භ කරන බව ද ඇමතිවරයා වැඩදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
