එමෙන්ම, යම් කිසි කාර්යයක් පිළිබඳව සාකච්ඡා මට්ටමින් සිදු වන දේ දින රාමුව තුළ දීම කෙරෙන්නේ ද නැද්ද යන්න පිළිබඳවත් එකී කාර්යය නිශ්චිත දින වකවානුවල දීම සිදු කිරීම ඉතා වැදගත් බවත් මෙහි දී අවධාරණය කළ ඒ මහතා වර්තමානයේ විශාල ආන්දෝලනයකට ලක් ව තිබෙන 20 වන සංශෝධනය සහ 19 අහෝසියේ දීත් තොරතුරු දැනගැනීමේ පනතට අත නොතබන බව ද හෙතෙම අවධාරණය කළේය.
කෙසේ වුව ද, රජයේ නිල කෙටි පණිවුඩ සේවාව ක්‍රියාත්මක කිරීමේ දී වඩාත් විශ්වසනීය, වගකීම් සහගත මෙන්ම නිවැරදි තොරතුරු ජනගත කිරීමට කටයුතු කළ යුතු වන බවත්, බැරෑරුම් සහ වගකීමක් තිබෙන රජයේ ප්‍රවෘත්ති දෙපාර්තමේන්තුව පිළිබඳව රටේ ජනතාව තුළ පවතින පිළිගැනීම පලුදු නොවනාකාරයෙන් කටයුතු කිරීමට වගබලාගත යුතු බවත්, වැඩිදුරටත් සඳහන් කර සිටියේය.
මෙම අවස්ථාවට ජනමාධ්‍ය අමාත්‍යංශයේ ලේකම් ජගත් පී. විජේවීර, රජයේ ප්‍රවෘත්ති අධ්‍යක්ෂ ජනරාල් නාලක කළුවැව, අතිරේක අධ්‍යක්ෂ ජනරාල් ලේඛා පතිරණ, මොබිටෙල් ඩිජිටල් සේවා ජ්‍යේෂ්ඨ විධායක නිළධාරී මාරි රුවන්ගිකා පෙරේරා පුල්ලේ, ඩයලොග් අසියාටා නිෂ්පාදන කළමනාකාරිණි මධුෂා ගුරුගේ, ඩයලොග් අසියාටා කළමනාකාර රිෂාඩ් රිෆ්රි යන මහත්ම මහත්මීහු මෙම සුවිශේෂී අවස්ථාවට සහභාගී වූහ.
