බන්ධනාගාර දෙපාර්තමේන්තුව යටතේ පවතින බන්ධනාගාර පද්ධතිය පිළිබදවත්, ඒ සම්බන්ධ පුවත් තොරතුරු සහ සේවාවන් පිළිබදවත් නිවැරදිව තොරතුරු ලබාගත හැකිවන පරිදි නවීකරණය කරන ලද නව වෙබ් අඩවිය www.prisons.gov.lk ඔස්සේ මහජනතාවට සෘජුවම සම්බන්ධවීමට හැකිවන පරිදි නිර්මාණය කර ඇති අතර බන්ධනාගාර සම්බන්ධව මහජනතාවට ඇති පැමිණිලි ද ඉදිරිපත් කිරීමට හැකිවන පරිදි නව වෙබ් අඩවිය සකසා ඇත.
බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍යාංශයේ ශ්‍රවණාගාරයේ පැවැති මෙම වෙබ් අඩවිය එළිදැක්වීමේ අවස්ථාවට අමාත්‍යාංශයේ ලේකම් ගීතාමනී කරුණාරත්න, බන්ධනාගාර කොමසාරිස් ජනරාල් තුෂාර උපුල්දෙනිය, කොමසාරිස් පුනරුත්ථාපන හා පාලන චන්දන ඒකනායක, කොමසාරිස් බුද්ධි හා මෙහෙයුම් ටී.අයි උඩුවර යන මහත්ම මහත්මීන් ඇතුළු පිරිසක් සහභාගීවිය.
