මහා පරිසර විනාශයක් සිදු වන බව පවසමින් සමාජ මාධ්‍ය ජාලා පුරා ප්‍රචාරය වන පුවත් අසත්‍ය බව පරිසර කැබිනට් ඇමති මහින්ද අමරවීර මහතා බව පවසයි.මේ සම්බන්ධයෙන් තමන් පෞද්ගලිකව සොයා බැලූ බවත්, මෙයින් වැඩි ප්‍රමාණයක් අසත්‍ය ප්‍රචාරයන් බවත්,අද (30) රජයේ ප්‍රවෘත්ති දෙපාර්තමේන්තුවේ දි පැවැති මාධ්‍ය හමුවේ දී පැවසීය.
රජය අපකීර්තියට පත් කිරිමේ අරමුණින් මෙය සිදු වන බව පැවසු ඇමතිවරයා, විරුද්ධ පක්ෂයේ නායකතුමා පවසන ආකාරයට පරිසර හානියක් සිදු වි නොමැති බවත් එසේ සිදු වි ඇත් නම් ඒ සම්බන්ධයෙන් මිට පෙර අවස්ථා කිහිපයක දි තමා හා විවාදයකට පැමිණෙන ලෙස ආරාධනා කර ඇති බව ද ඇමති පරිසර අමාත්‍යවරයා වැඩිදුරටත් කීය.
එසේම ආනවිදුන්දාවේ ඇති වු ගැටලුවේ දි ඊට ආණ්ඩු පක්ෂයට සම්බන්ධ සියලු පාර්ශවයන් නඩු පැවරිම් හා අත්අඩංගුවට ගැනිම් සිදු කර ඇති බව ද ඇමති මහින්ද අමරවීර මහතා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
