ඒ මහතා මේ බව කියා සිටියේ මේ වන විට රට තුළ පවතින කොවිඩ් තත්ත්වය හේතුවෙන් බස්රථ වල ගමන් කරන මඟීන්ගේ සෞඛ්‍යාරක්ෂිතභාවය ආරක්ෂා කරගනිමින් එදිනෙදා ගමනාගමන කටයුතු සිදු කරන්නේ කෙසේ ද යන්න පිළිබඳව රජයේ නිල පුවත් වෙබ් අඩවිය කළ විමසුමේ දී ය.
එමෙන්ම, කොවිඩ් තත්ත්වය හේතුවෙන් ඇදිරිනීතිය පවතින ප්‍රදේශ වලට සෞඛ්‍ය අමාත්‍යංශයේ කටයුතු සඳහා ලංගම බස්රථ ලබා දීමට ද ඉදිරියේ දී කටයුතු කරන බවත් සභාපතිවරයා කියා සිටියේය.
එහෙත් පවතින බැරෑරුම් තත්ත්වයේ දී ත් ඇතැම් බස්රථ වල පමණට වඩා මඟින් පිරිස් බස්රථ වලට නංවාගෙන යාමට කටයුතු කිරීම අනුමත නොකරන නමුත් එකී බස්රථ වල ගමන් කිරීමේ දී සෞඛ්‍යක්‍රමවේද අනුගමනය කරමින් ගමන් කිරීමට ජනතාව ද දැනුවත් ව කටයුතු කළ යුතු බවත්, බස්රථ රියදුරු සහ කොන්දොස්තර මහතුන්ට පමණක් මේ තත්ත්වය පාලනය කළ නොහැකි බවත් සඳහන් කළ ඒ මහතා ඇඳිරි නීතිය පවතින ප්‍රදේශ වල ගමනාගමනය සම්පුර්ණයෙන් ම නවතා ඇති අතර අත්‍යවශ්‍ය සේවා වලට පමණක් ප්‍රවාහන කටයුතු සිදු කෙරෙන බවත් වැඩිදුරටත් සඳහන් කළේය.
