අධිකරණ අමාත්‍ය ජනාධිපති නීතිඥ මොහොමඩ් අලි සබ්රි මහතා සහ ශ්‍රී ලංකාවේ ඉතාලි තානාපතිනී රීටා ජී. මැනෙල්ලා (Rita Giuliana Manella) මහත්මිය අතර හමුවක් අධිකරණ අමාත්‍යාංශයේදී පැවත්විණි.
දෙරට අතර අධිකරණ සහයෝගිතාවය ඇති කිරීම පිළිබදව අදහස් හුවමාරු විය. මෙරට අධිකරණ පද්ධතියේ යටිතල පහසුකම් වැඩි දියුණු කිරීමට හා ශ්‍රී ලංකාවේ සංවර්ධන කටයුතු වෙනුවෙන් ඉතාලි රජය ලබා දෙන සහයෝගය අගය කරන බව අධිකරණ අමාත්‍යවරයා එහිදී සදහන් කළේ ය.
අධිකරණයේ ස්වාධීනත්වය නීතියේ ආධිපත්‍ය සුරක්ෂිත කිරීම සදහා වත්මන් රජය ගෙන ඇති පියවර අගය කරන බවත් මෙරට අධිකරණ පද්ධතියේ යටිතල පහසුකම් වැඩි දියුණු කිරීමට
උපරිම සහයෝගය පළ කරන බවත් තානාපතිනිය සදහන් කළාය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
