ඊයේ (08) දින තාවකාලිකව වසා දමන ලද මිනුවන්ගොඩ පොලිස් ස්ථානයේ රාජකාරි කටයුතු අද (09) දිනයේ නැවත ආරම්භ කර ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
ඒ අනුව, මිනුවන්ගොඩ පොලිස් ස්ථානය සම්පූර්ණයෙන්ම විෂබිජහරණය කර තිබේ. මීට අමතරව, පොලිස් ස්ථානයට අනියුක්තව සේවය කළ පොලිස් නිළධාරීන් 85 දෙනකු නිරෝධායනය කර ඇති අතර මේ වන විට ඔවුන්ගේ පීසීආර් පරීක්ෂණ ප්‍රතිඵල ලබා ගනිමින් සිටින බවත්, එම නිළධාරීන් සම්පූර්ණයෙන්ම ආයතන පරිශ්‍රයෙන් ඉවත්කොට ඒ වෙනුවට අලුත් නිළධාරීන් යෙදවීමටත් පියවරගෙන තිබෙන බව අජිත් රෝහණ මහතා මෙහි දී වැඩිදුරටත් පවසා සිටී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
