ගුවන් හමුදා ඉතිහාසයේ 18 වන ගුවන් හමුදාපතිවරයාවන එයාර් මාර්ෂල් සුදර්ශන පතිරණ මහතා අද (03) සිය ධූරයේ රාජකාරි ආරම්භ කළේ ය.
ගුවන් හමුදා මූලස්ථානයේදී අද උදෑසන යෙදුණු සුබ මොහොතින් නව ගුවන් හමුදාපතිවරයා රාජකාරි ඇරබීය.
එයාර් මාර්ෂල් සුදර්ශන පතිරණ මහතා මෙරට ගුවන් හමුදා ඉතිහාසයේ කීර්තිමත් නිලධාරියෙකු වන අතර ඔහු එල්.ටී.ටී.ඊ ත්‍රස්තවාදයට එරෙහි යුද්ධයේදී විශේෂ දක්ෂතා දැක්වූ නිලධාරියෙකි.
ශ්‍රී ලංකා ගුවන් හමුදාවට 1990 දී සුපර් සොනික් වර්ගයේ F-07 ප්‍රහාරක යානා රැගෙන ඒමේදී තෝරාගත් පළමු ගුවන් නියමුවන් 6 දෙනා අතරට ඔහු ද ඇතුළත් විය.
1995 වසරේදී කෆීර් ජෙට්යානා රැගෙන ඒමේදී එහි නියමුවෙකු ලෙස කටයුතු කළ සුදර්ශන පතිරණ මහතා පසුව කෆීර් ජෙට් බලඝනයේ අණදෙන නිලධාරියා ලෙස ද කටයුතු කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
