විදේශ ශ්‍රමිකයින් නැවත මෙරටට ගෙන්වාගැනීමේ වැඩපිළිවෙල සම්පූර්ණයෙන්ම ක්‍රියාත්මක වන්නේ කොවිඩ් පාලනය කිරීම පිලිබඳ කාර්යය සාධක බළකාය, විදේශ කටයුතු අමාත්‍යංශය හා එකතුවීමෙනි. ඒ අනුව, කාර්යය සාධක බළකාය විසින් සඳහන් කරන පරිදි මෙරටට ශ්‍රමිකයින් ගෙන්විමේ ධාරිතාවය පිලිබඳව සළකා බලා ඒ අනුව සඳහන් කරන ලද ප්‍රමාණයක් මෙරටට ගෙන්වීම සිදු කරමින් සිටින බවත්, එහෙත් කොවිඩ් 19 හේතුවෙන් විදෙස් රටවල පනවා ඇති නිරෝධායනය හා සම්බන්ධ මඟ පෙන්වීම්, සීමා කිරීම් වලට ද යටත් ව කටයුතු කිරීමට සිදු ව ඇති බවත් ඒ මහතා මෙහි දී සඳහන් කළේය.
එමෙන්ම, කාර්යය සාධක බළකායේ කාර්යය වන්නේ මෙරටට පැමිණෙන විදෙස් ශ්‍රමිකයින් අනිවාර්යයයෙන් නිරෝධායනයට ලක් කිරීම බවත්, ඒ අනුව මෙරටට හැකි
විගස පිරිස් ගෙන්වීමට කටයුතු කරන බවත්, ඒ සඳහා ගුවන් ටිකට් පත් පිළිබඳව ද ගැටළුවක් නොමැති බවත් ඒ සියල්ල කාර්යාංශය මඟින් සිදු කරන බවත් පැවසූ ඒ මහතා, ගැටලුව ඇත්තේ ඔවුන් මෙරටට ගෙන්වීම නොව මේ වන විට දෙවන කොවිඩ් රැල්ලත් සමඟ මෙරට තුළින් ද ආසාදිතයින් හමුවීම නිසා ඔවුන් ද නිරෝධායනයට ලක් කරමින් සිටින විටෙක විදෙස් ශ්‍රමිකයින් ද මෙරටට ගෙන්වීමෙන් නිරෝධායනයට ඇති ඉඩ පහසුකම් වල ගැටළුවක් බවත් ඒ මහතා මෙහි දී විශේෂයෙන් සඳහන් කර සිටියේය.
