සෞඛ්‍යය අමාත්‍ය පවිත්‍රා වන්නිආරච්චි මහත්මිය හා චීන රජයේ නව ශ්‍රී ලංකා තානාපති කී ෂෙන්හොන් ( Qi Zhenhong ) මහතා අතර විශේෂ හමුවක් 25 දින පෙරවරුවේ චීන තානාපති කාර්යාලයේ දී පැවැත්විණි.
මෙහිදී දෙරට අතර පවතින මිත්‍රත්වය හා දැනට රටවල් දෙකෙහි පවතින කොවිඩ් - 19 වසංගත තත්ත්වය පිළිබඳව සාකච්ඡා කරන ලදී. ශ්‍රි ලංකාවේ පවතින කොවිඩ්- 19 වසංගතය මර්දනය කිරීමට අවශ්‍ය සෑම සහයක්ම ලබාදීමට කටයුතු කරන බවද චීන තානාපතිවරයා ප්‍රකාශ කරන ලදී.
මෙම අවස්ථාවට චීන තානාපති කාර්යාලයේ වෙළඳ කටයුතු පිළිබඳ කොන්සල්වරයා වන ලී ගුවන්ජුන් ( Li Guangjum ) මහතා සහ සෞඛ්‍ය අමාත්‍යවරියගේ පෞද්ගලික ලේකම් කංචන ජයරත්න මහතා සහභාගි වූ අයුරු ඡායාරූපයේ දැක්වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
