දිවයින පුරා දිසා අධිකරණ වල 231,506 ක නඩු ප්‍රමාණයක් විසඳීමට ඇති බවත් මේ අතුරින් වසර 20කට වඩා පැරණි නඩුද 4620ක් පමණ ඇතැයි අධිකරණ අමාත්‍යවරයා කීය.

ලබන වසර සඳහා වන අයවැය පිළිබඳ කාරක සභා විවාදයේ 9 වන දිනය අද (02) දිනයේ අසන ලද වාචික ප්‍රශ්නයකට පිළිතුරු දෙමින් අමාත්‍යවරයා මේ බව පැහැදිළි කළේය.

මෙළෙස දිසා අධිකරණයන්හි ගොඩ ගැසී තිබෙන නඩු පිළිබඳව අධිකරණ කොමිෂන් සභාව විසින් තොරතුරු රැස් කරන බවත් ඩිජිටල් දත්ත පද්ධතියක් ස්ථාපිත කිරීමෙන් තොරව එක් එක් නඩු පිළිබඳව තොරතුරු ලබා දිය නොහැකි බවද අමාත්‍යවරයා පැවසිය.

කිසිම දවසක අධිකරණයට බලපෑම් කිරීමට රජය මැදිහත් නොවන බව ද අධිකරණ අමාත්‍යවරයා මෙහිදී අවධාරණය කළේය.