කර්මාන්ත සහ වෙළෙඳ අමාත්‍යංශයන්ගේ වැය ශීර්ෂ පිළිබඳ අද (04)පාර්ලිමේන්තුවේ පැවති විවාදයට එක්වෙමින් අමාත්‍යවරයා මෙම ඉල්ලීම සිදු කළේය.
මෙහිදී වැඩි දුරටත් අදහස් දැක් වූ අමාත්‍යවරයා පැවසුවේ එළැඹෙන දෙසැම්බර් 25 දින රාජ්‍ය නත්තල් උත්සවය ඉතා චාම් අයුරින් පැවැත් වෙන බවත් එහිදී ප්‍රථම වතාවට කාදිනල් හිමියන් දේශීය අත් යන්ත්‍රවලින් නිමැ වූ ක්ලොග් පළඳින බවයි. තවද ලබන වසරේ පැවැත්වෙන රාජ්‍ය නිදහස් උත්සවය සඳහාද දේශීය රෙදි වලින් නිමැ වූ ජාතික කොඩියක් භාවිතා වන බවත් සෑම නිවසකම ජාතික කොඩිය සඳහා දේශීය රෙදිපිළි වලින් නිමැ වූ කොඩියක් තෝරා ගන්නා ලෙසද අමාත්‍යවරයා ඉල්ලීමක් කළේය.
මෙහිදී වැඩි දුරටත් අදහස් දැක් වූ අමාත්‍යවරයා පැවසුවේ, බතික් හා අත් යන්ත්‍ර කර්මාන්තය ප්‍රවර්ධනය සඳහා රජය වැඩපිළිවෙල රැසක් ගෙන ඇති බවයි. එළැඹෙන අප්‍රේල් පළමු වනදා සිට මෙරටට විදේශීය නිමි ඇඳුම් ගෙන්වීම සීමා කිරීම සඳහා කටයුතු කරන බවද අමාත්‍යවරයා පැවසිය.
බතික් කර්මාන්තයේ ගැටළු රාශියක් හඳුනාගෙන ඇති බවත් වසර ගණනාවක් මෙම ව්‍යාපාරය පිළිබඳ කිසිදු අවධානයක් යොමු නොවී තිබූ බවද අමාත්‍යවරයා පැහැදිළි කළේය. මේ වන විටත් ලංකාවේ බතික් කර්මාන්තයේ නියැළි කර්මාන්තකරුවන් පිළිබඳ දත්ත එක් රැස් කිරීම අමාත්‍යංශය මගින් සිදු කෙරේ. කොවිඩ් වසංගත තත්වය හේතුවෙන් බතික් කර්මාන්තයේ දී භාවිතා කරන ඩයිවල මිල විශාල වශයෙන් ඉහළ ගොස් ඇත. එම ඩයි වර්ග ගෙන්වන ව්‍යාපාරිකයන් සමග සාකච්ඡා කර මිල පහළ දැමීම පිළිබඳව මේ වන විට අවධානය යොමු කර ඇත.
ලක්සල සහ සළුසල යන ආයතන සමග එක්ව එම ඩයි සහ රෙදි ගෙන්වා ඒකාධිකාරය නැති කිරීමේ වැඩපිළිවෙළක් ද සකස් කර තිබේ. බතික් කර්මාන්ත කරුවන්ට අවශ්‍ය වෘත්තීය සහතික ලබා දෙමින් විධිමත් ලෙස එම වෘත්තියේ නියැළීමට අවස්ථාව ලබා දෙන බවත් සෑම ප්‍රාදේශීය ලේකම් කර්යාලයකම බතික් කර්මාන්ත කරුවන් පුහුණු කිරීමේ මධ්‍යස්ථාන යක් පිහිටුවීමට කටයුතු සකස් කර ඇත.
දහම් පාසල් ගුරුවරු සඳහා සාරි 76,000ක් දේශීය ව්‍යාපාරිකයන් හරහා විවීම් කිරීමට මෙවර කටයුතු කර ඇත. මීට අමතරව පාසල් නිල ඇඳුම් දේශීය නිෂ්පාදකයන් ලවා ලබාදීමටත් ,හමුදාවේ සහ පොලීසියේ නිල ඇඳුම් , හෝටල් කර්මාන්තයේ තුවා, බෙඩ්ෂීට් දේශීය නිෂ්පාදකයන් මගින් නිෂ්පාදනයටත් රජය කටයුතු කර ඇත.
එම කර්මාන්තකරුවන් ට අපද්‍රව්‍ය බැහැර කිරීමේ ගැටළුවක් තිබුණ බවත් ලබන වසරේ ඒ සඳහා මධ්‍යස්ථාන 50ක් ඉදිකරන බවත් පැවසූ අමාත්‍යවරයා එ් සඳහා ප්‍රතිපාදන වෙන් කර ඇතැයිද කීය.
අත්යන්ත්‍ර රෙදි කර්මාන්ත ශාලා විශාල වශයෙන් කඩා වැටී සහ වසා දමා ඇති බවත් එම වෘත්තියේ නියැලූවන්ට මේ සඳහා දිරි දීමනා වක් දීමට ඉදිරියේදී කටයුතු කරන බව අමාත්‍යවරයා සදහන් කළේය
