දහම්පාසල් ගුරුවරුන්ට නිල ඇදුම් ලබා දීමේ වැඩපිළිවෙළ කඩිනමින් ක්‍රියාත්මක කරන බව ජනමාධ්‍ය අමාත්‍ය කෙහෙළිය රඹුක්වැල්ල මහතා අද (22) රජයේ ප්‍රවෘත්ති දෙපාර්තමේන්තුවේ පැවති කැබිනට් මණ්ඩල තීරණ දැනුම්දීමේ මාධ්‍ය හමුවේ දී කියා සිටියේය.
සෞභාග්‍ය දැක්ම ප්‍රතිපත්තිමය තීන්දුවක් අනුව දහම්පාසල් ගුරුවරුන්ට නිල ඇදුම් ලබා දීමේ වැඩපිළිවෙලට මිලියන 212 ක් වෙන් කොට තිබුණ ද COVID – 19 වසංගතය හේතුවෙන් නිල ඇදුම් බෙදා දීමේ වැඩපිළිවෙලේ යම් කිසි ප්‍රමාදයක් සිදුව තිබෙන බව ඒ මහතා මෙහි දී කියා සිටියේය.
එමෙන්ම, මෙම නිල ඇදුම් ලබා දීමේ වැඩසටහන දේශීය කර්මාන්තය හරහා මෙලෙස නිල ඇදුම් බෙදා දීමට ඉදිරිපත් වීම නිසා හැකි ඉක්මණින් එකී වැඩපිළිවෙල ක්‍රියාත්මක කිරීමට කටයුතු කරමින් සිටින බව ද අමාත්‍යවරයා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
