කොළඹ වරායේ නැගෙනහිර සහ බටහිර බහාලුම් සංවර්ධනය කිරීම සඳහා වත්මන් රජය කඩිනම් ක්‍රියාමාර්ග ගනිමින් සිටින බවත් කොළඹ වරායේ නැගෙනහිර ජැටියේ අයිතිය හෝ අයිතියේ කොටසක් කිසිදු විදේශීය සමාගමකට පැවරීමට තීරණය කර නොමැති බවත් අග්‍රාමාත්‍ය මහින්ද රාජපක්ෂ මහතා අද (06) පාර්ලිමේන්තුවේදී පැවසීය.
පාර්ලිමේන්තු මන්ත්‍රී අනුර කුමාර දිසානායක මහතා යොමු කළ වාචික ප්‍රශ්නයකට පිළිතුරු දෙමින් අග්‍රාමාත්‍යවරයා මේ බව සඳහන් කළේය.
තමා ජනාධිපතිවරයාව සිටි 2005-2015 දක්වා කාලයේදී බහාලුම් ලක්ෂ 72ක් පමණ ක්‍රියාත්මක කළ හැකි කොළඹ දකුණු වරාය සංවර්ධනය කිරීමේ ව්‍යාපෘතිය ක්‍රියාත්මක කළ බවද අග්‍රාමාත්‍යවරයා පෙන්වා දුන්නේය. සංවර්ධනය සඳහා ඉතා වැදගත් ස්ථානයක් වන කොළඹ වරාය නැගෙනහිර ජැටිය සම්බන්ධයෙන් පසුගිය රජය ගිවිසුම් කිහිපයකට එළඹ ඇති බවද අග්‍රාමාත්‍යවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
