මහජනතාවට වඩා හොඳ බස්රථ සේවාවක් ලබා දීම සහ කොළඹ නගරයේ තිබෙන මාර්ග තදබදය අවම කිරීම අරමුණු කරගනිමින් මෙම බස්රථ සේවාව අද සිට මාකුඹුර බහුවිධ ප්‍රවාහන මධ්‍යස්ථානයේ දී ආරම්භ කෙරෙන බව හෙතෙම කියා සිටියේය.
එමෙන්ම, මඟීන්ගේ කාලය ඉතුරු කිරීමත්, බස්රථ මඟින් සිදුවන වායු දූෂණය අවම කිරීමේ පිළියමක් ලෙසත්, කොළඹ නගරයට ඇතුළුවන සියලු කුඩා වාහන අවම කිරීමත් මෙමඟින් වැඩිදුරටත් අපේක්ෂා කෙරෙන බවත් පණ්ඩුක ස්වර්ණහංස මහතා කියා සිටියේය.
මාකුඹුර සිට නුගේගොඩ - නාවල -නාරාහේන්පිට - ජාවත්ත- පුරහල - රීගල් - ගාලුමුවදොර - කොල්ලුපිටිය - බම්බලපිටිය - තුම්මුල්ල - කිරුළපන - මහරගම - සිට මාකුඹුර දක්වා ද, අනෙත් මාර්ගය මාකුඹුර සිට කොට්ටාව - පරණපාර - පන්නිපිටිය - තලවතුගොඩ - පාලම්තුන - කොස්වත්ත - බත්තරමුල්ල - රාජගිරිය - බොරැල්ල - මරදාන - ටෙක්නිකල් හන්දිය - පිටකොටුව - කොටුව - බැස්ටියන් මාවත - ලේක්හවුස් -ගාමිණී හෝල් - පුරහල - හයිලෙවල් - මාකුඹුර දක්වා ත් ගමන් මාර්ග දෙකක් ඔස්සේ ධාවනය
වීමට නියමිතයි.
ඒ අනුව සෑම විනාඩි 10 කට වරක් බස්රථයක් මාකුඹුර ප්‍රවාහන මධ්‍යස්ථානයෙන් ගමන් ආරම්භ කිරිමට නියමිතයි.
