අමාත්යවරයා මේ අදහස් පළ කළේ, ‘ඉගෙනුමට අරමුණක් - වෘත්තීය මං පෙතක්’ යන තේමාව යටතේ විදුහල්පතිවරුන් සහ ගුරුවරුන් පුහුණු කිරීම වෙනුවෙන් කළුතර ටැන්ජරීන් හෝටලයේ අද (16) පැවති විශේෂ වැඩ මුළුවකට එක්වෙමිනි .
ඕනෑම පාසලක සාර්ථකත්වය තීරණය වන්නේ, විදුහල්පතිවරයාගේ පෞරුෂය,නායකත්ව හැකියාව, දැක්ම සහ ඒ හරහා ඔවුන් ලබන සාර්ථකත්වය මත බවත්, පාසලක් සක්‍රීයව හා සාර්ථකව පවත්වා ගෙන යාමට වැඩි ඉඩ හසර සැලසෙන පරිදි විදුහල්පතිවරුන්ට නිල නිවසක් ලබා දීම සඳහා වැඩපිළිවෙළක් සකස් කිරීමට පියවර ගත යුතු බව ද අධ්යාපන අමාත්යවරයා පෙන්වා දුන්නේය.
දේශීය මෙන් ම විදේශීය ආර්ථිකය තුළ ගොඩනැගෙන අනාගත රැකියා අවස්ථා සහ අධ්යාපනය පිළිබඳ සැලකිලිමත් වෙමින් ඉදිරියේ දී විශ්වවිද්යාල කොමිෂන් සභා පනත සංශෝධනය කිරීමට පියවර ගන්නා බව ද, ඒ සඳහා විශ්ව විද්යාල ප්රතිපාදන කොමිසම් සභාවේ සභාපති මහාචාර්ය සම්පත් අමරතුංග මහතා වෙත තමා උපදෙස් ලබා දුන් බව ද, අධ්යන පාඨමාලා සැලසුම් කිරීමේ දී වඩාත් ප්රායෝගික අයුරින් , කාලෝචිත අන්දමින් දේශීයත්වය ට අවධානය යොමු කරමින්, කටයුතු කළ යුතු බවද පෙන්වා දුන් අධ්යාපන අමාත්යවරයා, නුපුහුණු ශ්රම සම්පත් විදේශ ගත කරනු වෙනුවට, වඩාත් පුහුණු ශ්රමිකයන් අධ්යාපනය තුළින් ගොඩ නැංවිය හැකි පරිදි අධ්යාපනය නවීකෘත කළ යුතු බව දපෙන්වා දුන්නේ ය .
අධ්යාපනය තුළින් අප බිහි කළ යුත්තේ රොබෝවරුන් නො වන බවත්, මානසික ආතතියෙන් තොරව කටයුතු කරන, ශාරීරිකවත් මානසිකවත් නිරෝගී දරුවන් පාසල් පද්ධතිය තුළ ගොඩ නැගීම වෙනුවෙන් පෙර පාසල් අධ්‍යාපනයේ සිට දැඩි අවධානය යොමු කළ යුතු බව ද අමාත්යවරයා පැවසී ය .
වත්මන් පෙර පාසල් තුළ දරුවන්ට ලබා දෙන අධ්යාපනය සම්බන්ධයෙන් කරුණු දැක්වූ අමාත්යවරයා , මී වදය හදන වෙනුවට ඊට පෙර මී පැණි වත් කරන්නට යාම මෙන් දරුවන්ගේ මනස නිරවුල් ව සවිමත් කරන්නට පෙර විෂය කරුණු ඇතුළත් කරන්නට ඇතැම් පෙර පාසල් කටයුතු කිරීම අනුමත නොකරන බව ද පැවසී ය.
ගුරුවරුන් සිදු කරන්නේ රස්සාවක් නොව, වෘත්තියක් බව ද, විෂය මාලාව ඉගැන්වීමට පරිබාහිරව දරුවන්ට මාර්ගෝපදේශකයෙකු ලෙස කටයුතු කරන්නට ගුරුවරුන්ට සිදු වන බව ද , ඒ සඳහා මෙරට පාසල් පද්ධතිය තුළ ගුරුවරුන් හා විදුහල්පතිවරුන් පෙළඹවීමට සහ අනුබල ලබා දීම වෙනුවෙන් මෙවැනි පුහුණු වැඩසටහන් විශිෂ්ට අත්වැලක් වනු ඇති බවද අධ්යාපන අමාත්යවරයා වැඩි දුරටත් ප්‍රකාශ කළේ ය .
කළුතර දිස්ත්‍රික්කයේ, මතුගම හොරණ සහ සහ කළුතර අධ්යාපන කලාපයන්හි පාසල් 25 ක විදුහල්පතිවරුන් 25 ක් සහ ගුරුවරුන් 25 දෙනෙකු වෙනුවෙන් පැවති මෙම වෘත්තීය මාර්ගෝපදේශන වැඩ මුළුව සඳහා අධ්යාපන අතිරේක ලේකම් හේමන්ත ප්‍රේමතිලක , අධ්යාපන අමාත්‍යාංශයේ මාධ්‍ය ලේකම් බුද්ධික වික්‍රමාදර යන මහත්වරුන් ඇතුළු පිරිසක් එක් ව සිටියහ ..
