නැගෙනහිර පළාතේ කෝවිඩ් පැතිරීම පාලනය කිරීම සඳහා කැපවන සෞඛ්‍ය අංශය සහ ආරක්ෂක අංශයේ නිලධාරීන්ට සිය ගෞරවය පිරිනමන බව පළාත් ආණ්ඩුකාර අනුරාධා යහම්පත් මහත්මිය පැවසුවාය.
මඩකලපුව දිස්ත්‍රික් කෝවිඩ් මර්ධන කමිටුව ඊයේ පස්වරුවේ මඩකලපුව දිස්ත්‍රික් ලේකම් කාර්යාලයේ දී රැස්වූ අවස්ථාවේ ඇය මේ බව කීවාය.
දැනට හුදකලා කර ඇති ප්‍රදේශවල ජීවත්වන ජනතාවට අවශ්‍ය සහන ලබාදීම කඩිනම් කරන ලෙස ද ආණ්ඩුකාරවරය දිස්ත්‍රික් ලේකම්වරයාට උපදෙස් දුන්නාය.
මේ අවස්ථාවට ආණ්ඩුකාර ලේකම් එල් පී මදනායක, දිස්ත්‍රික් ලේකම් ඒ කරුණාහරන්,සෞඛ්‍ය සේවා අධ්‍යක්ෂ වෛද්‍ය ඒ ලදාහරන්, මඩකලපුව ජේෂ්ඨ පොලිස් අධිකාරීවරයා ඇතුළු නිලධාරීන්
පිරිසක් ද මේ අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
