අතිගරු ජනාධිපතිතුමාගේ “සෞභාග්‍යයේ දැක්ම” ජාතික වැඩසටහනට සමගාමීව සහසම්බන්ධිත නවීන මාර්ග පද්ධතියක් රට තුළ ස්ථාපනය කිරීම නව රජයේ ප්‍රධානතම අරමුණ වී ඇත. මෙම අරමුණ පෙරදැරි කරගෙන අනුරාධපුර ප්‍රදේශයේ ප්‍රධාන හා ප්‍රාදේශීය මාර්ග පද්ධතිය පුළුල් කිරීමේ හා නවීකරණය කිරීමේ පළමු අදියරේ ව්‍යාපෘතිය පසුගිය නොවැම්බර් මාසයේ දී ආරම්භ විය.
කොකුන්නෑව සිට මඩදෙණිගම දක්වා කි.මී. 2.9 මාර්ගය කාපට් යොදා නවීකරණය කිරීමේ කටයුතු ආරම්භ කිරීම, ඖෂධ නිෂ්පාදන, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා අතින් සිදු විය.
මෙම මර්ගය සඳහා රු. මි 78 ක් වියදම් කොට කාපට් අතුරා සංවර්ධනය කිරීමට නියමිත අතර මෙමගින් පවුල් 1000 කට වඩා වැඩි ප්‍රමාණයකට පහසුකම් සැලසෙනු ඇත.
