බන්ධනාගාර බුද්ධි ඒකකයට ලැබුණු බුද්ධි තොරතුරකට අනුව බුද්ධි ඒකකයේ නිලධාරීන් විසින් Y විශේෂ අංශය හා එම අංශය අවට පෙ.ව. 11.40 ට පමණ සෝදිසි කිරීමකට ලක් කර ඇත.මෙහිදී Y විශේෂ අංශය හා තාප්පය අතර කොටසේ පොළොවෙහි වල දමා තිබූ එමි අංක සඳහන් නොවන Samsung J2 වර්ගයේ ජංගම දුරකතනයක්ද සොයා ගත් බව බන්ධනාගාර කොමසාරිස් (පාලන හා පුනරුත්ථාපන) බන්ධනාගාර මාධ්‍ය ප්‍රකාශක චන්දන ඒකනායක මහතා පැවසීය.
මෙම Y අංශය තුළ හිටපු පාර්ලිමේන්තු මන්ත්‍රී රංජන් රාමනායක ඇතුළු තවත් සිරකරුවන් පිරිසක් රඳවා සිටින බවත් මෙම දුරකතනයද හිටපු පාර්ලිමේන්තු මන්ත්‍රී රංජන් රාමනායක වෙත ලබාදීමට රැගෙන ආ දුරකතනයක් දැයි සැක සහිත අතර ඒ පිළිබඳ විමර්ශන කටයුතු සිදුවෙමින් පවතින බවත් ජංගම දුරකතනය පරික්ෂණ කටයුතු සඳහා අපරාධ පරික්ෂණ දෙපාර්තමේන්තුවට භාරදීමට නියමිත බවත් චන්දන ඒකනායක මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
