එහිදී වැඩිදුරටත් අදහස් දැක්වූ රාජ්‍ය අමාත්‍ය සිසිර ජයකොඩි මහතා,
දේශීය වෛද්‍ය සභාවක් පිහිටුවීම පිළිබද අනු කමිටුවක් පිහිටුවීමට අපි කටයුතු කළා. ඔවුන් දිවයිනේ විවිධ ප්‍රදේශ වලට ගොස් ඒ පිළිබදව අදහස් යෝජනා ලබාගැනීමට කටයුතු කරනවා. සියලු ජනතාවට ආරාධනා කර සිටිනවා ඒ සදහා අදහස් යෝජනා ලබාදෙන ලෙස. එමගින් පාරම්පරික වෛද්‍ය ලියාපදිංචිය සහ ආයුර්වේද ලියාපදිංචිය සදහා නව ක්‍රමවේද මත සිදුකිරීමට අවශ්‍ය ක්‍රියාමාර්ග ගනු ලබනවා.
අපි දේශීය වෙදකම සාහිත්‍ය හා කලා මාධ්‍ය උපයෝගී කර ගනිමින් ජනතාවට වඩා සමීප කරලීම උදෙසා පුළුල් වැඩපිළිවෙලක් ක්‍රියාත්මක කිරීමට බලාපොරොත්තු වෙනවා. අපේ දේශීය වෙදකම, පුස්කොළ පොත්, ග්‍රන්ථ ලිඛිත තොරතුරු රාශියක් පවතිනවා. ඒ විතරක් නෙමෙයි ලිඛිත තොරතුරු වලට එහා ගිය මිහින්තලය පුරාණ රෝහල, නටඹුන්, ශිලා ලේඛන පවතිනවා. ඒ වගේ පෞඩ ඉතිහාසයක් හා බැදුණු අපේ හෙළ වෙදකමේ ජීවන දර්ශනය ජනතාවට සමීප කරලීම උදෙසා කටයුතු කරනවා යැයිද වැඩිදුරටත් සදහන් කළේය
