උතුරු කොළඹ, මහවත්ත කොට්ඨාශයේ, කජීමාවත්ත (අතරමැදි නිවාස කදවුර) ප්‍රදේශයේ ඇති වු ගින්නෙන් නිවාස විනාශ වු ජනතාවගේ අවශ්‍යතා සදහා මුල්‍යමය අධාර පිරිනැමීම අධිකරණ අමාත්‍ය ජනාධිපති නීතිඥ අලි සබ්රි මහතාගේ ප්‍රධානත්වයෙන් සිදු විය.
ගින්නෙන් නිවාස 30 ක් පමණ විනාශ වී ඇති අතර, එම නිවාස නිරීක්ෂණය කළ අමාත්‍යවරයා, එම ජනතාව සමග ඔවුන්ගේ අවශතා පිළිබදව සොයා බලන ලදී. එමෙන්ම නිවාස අහිමි වුවන් වෙනුවෙන් ඉදිරියේදී කටයුතු කළ යුතු ආකාරය හා ස්ථිර නිවාස ලබාදීමේ හැකියාව පිළිබදව ද මෙහිදි සාකච්ඡා කළේය.
මෙම අවස්ථාවට ජාතික භික්ෂු පෙරමුණේ ලේකම් කැලණි නදී විහාරාධිපති පුජ්‍ය අකුරැස්සේ සාගර හිමියන්, ගරු අධිකරණ අමාත්‍යතුමාගේ සම්බන්ධිකරණ ලේකම් ෆයාඩ් බාකීර් මහතා, උල්පත් උවයිස් මහතා සහ අදාළ කර්තව්‍යයට අනුග්‍රහය දැක්වු පරිත්‍යාගශීලීන් ද සහභාගි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
