සිංහල හින්දු අලුත් අවුරුදු සමයේ දිවයිනේ ප්‍රධාන නගර තුළ සිවිල් ඇඳුමින් සැරසුනු නිලධාරීන් යොදවා සිවිල් ආරක්ෂාව තරකිරීමට කටයුතු කරන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා ප්‍රකාශ කරයි.
සිංහල හා හින්දු අලුත් අවුරුදු සමයේ සිවිල් වැසියන්ගේ ආරක්ෂාව සඳහා ගන්නා ක්‍රියාමාර්ග මොනවාද යන්න සම්බන්ධයෙන් රජයේ නිල පුවත් වෙබ් අඩවිය(news.lk) කළ විමසුමකදී පිළිතුරු දෙමින් ඒ මහතා මේ බව පැවසීය.
වැඩිදුරටත් අදහස් දැක්වූ ඒ මහතා පැවසුවේ මෙම පොලිස් නිලධාරීන් දිවයිනේ සියලුම ප්‍රධාන නගරවල සෙනඟ ගැවසෙන තැන් තැන්වල යොදවා ඒ හරහා ගැටකපන්නන් හා මුදල් කොල්ලකෑම් වැනි නීති විරෝධී කටයුතු වැළැක්වීමට කටයුතු කරන බවත්, අලුත් අවුරුදු සමයේ පැය 24 පුරාවට මෙම නිලධාරීන් යෙදවීම ක්‍රියාත්මක බවත්ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
