පසුගිය අප්‍රේල් මස 21 දින පාර්ලිමේන්තු සභා ගර්භයේ ඇති වූ සිදුවීම සම්බන්ධයෙන් සොයා බලා ඒ සඳහා ගත යුතු පියවර සොයා බැලීම සඳහා විශේෂ කමිටුවක් පත් කළ බව කථානායක මහින්ද යාපා අබේවර්ධන මහතා අද (23) පාර්ලිමේන්තුවේ දී සඳහන් කළේය.
මෙම කමිටුවේ සභාපතිත්වය දරන්නේ නියෝජ්‍ය කථානායක රංජිත් සියඹලාපිටිය මහතායි. චමල් රාජපක්ෂ, කෙහෙළිය රඹුක්වැල්ල, යන කැබිනට් අමාත්‍යවරු සහ රාජ්‍ය අමාත්‍ය සුසිල් ප්‍රේමජයන්ත, අනුර යාපා, ඉම්ටියාස් බාකීර් මාකාර්, රංජිත් මද්දුම බණ්ඩාර, එම් .ඒ සුමන්තිරන් යන මැති, ඇමැතිවරුමෙම කමිටුවේ සෙසු සාමාජිකයින් වේ.
ඉදිරියේ දී එවැනි සිද්ධීන් නැවත ඇති නොවීමට ගත යුතු ක්‍රියාමාර්ගය සම්බන්ධයෙන් නිර්දේශ ඉදිරිපත් කිරීම මෙම කමිටුවට පැවරෙන වගකීමකි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
