ගෑස් මිල වෙනස් කිරීම සම්බන්ධව කිසිඳු යෝජනාවක් කැබිනට් මණ්ඩලය වෙත ඉදිරිපත් වී නොමැති බව බලශක්ති අමාත්‍ය, කැබිනට් සම මාධ්‍ය ප්‍රකාශක උදය ගම්මන්පිල මහතා අද (04) කියා සිටියේය.
ඒ මහතා මේ බව කියා සිටියේ, අද (04) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේ දී, මාධ්‍යවේදියෙකු විසින් ගෑස් මිල වැඩි කරන්නේ ද යන්න පිළිබඳව කරන ලද ප්‍රශ්න කිරීමකට පිළිතුරු වශයෙනි.
ලෝක වෙළඳපොලේ ගෑස් මිල ඉහළ යමින් තිබෙන බව සත්‍යක් වන නමුත් මේ දක්වා ගෑස් මිල සංශෝධනය කිරීම පිළිබඳව අමාත්‍ය මණ්ඩල තින්දුවක් ගෙන නොමැති බව අමාත්‍යවරයා මෙහි දී වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
