ශ්‍රී ලංකා පොලීසිය නිරෝධායනයට සම්බන්ධ මෙහෙයුම් අඛණ්ඩව ක්‍රියාත්මක කරන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
මෙම මෙහෙයුම්වලදී මුහුණු ආවරණ නොපැළදීම, දුරස්ථභාවය නොපවත්වාගැනීම ආදී නිරෝධානයන රීති කඩ කරන පුද්ගලයින් අත් අඩංගුවට ගැනේ.
පසුගිය පැය 24 තුළ නිරෝධායන රීති උල්ලංඝණය කළ පුද්ගලයින් 617ක් අත් අඩංගුවට ගෙන තිබෙන බව ද පොලිස් මාධ්‍ය ප්‍රකාශකවරයා පැවසීය.
එක් දිනක වැඩිම පිරිසක් අත් අඩංගුවට ගත් දිනය ඊයේ (07) දින බවත් පසුගිය ඔක්තෝබර් මස සිට මේ දක්වා පුද්ගලයින් 6539ක් අත් අඩංගුවට ගෙන තිබෙන බවද පොලිස් මාධ්‍ය ප්‍රකාශකවරයා සඳහන් කළේ ය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
