ඉන්දු ලංකා ධීවර ගැටලුව විසදීමට සහාය වන බවත් දෙරට අතර පවතින නීති විරෝධී ධීවර ආක්‍රමණය නතර කිරීමට අවශ්‍ය සහයෝගය දෙන බවත් තමිල්නාඩු ප්‍රාන්තයේ අභිනව ධීවර අමාත්‍ය අනිතා ආර් රාධා ක්‍රිෂ්ණන් මහතා ශ්‍රී ලංකා ධීවර අමාත්‍ය ඩග්ලස් දේවානන්දා මහතාට සහතික වී ඇතැයි ධීවර අමාත්‍යංශය පවසයි.
තමිල්නාඩු නව ධීවර අමාත්‍ය ධුරයේ දිවුරුම් දුන් රාධා ක්‍රිෂ්ණන් මහතාට සුභ පැතීම සඳහා මෙරට ධීවර අමාත්‍ය ඩග්ලස් දෙවානන්ද මහතා දුරකතනයෙන් ඇමතූ අවස්ථාවේදී අමාත්‍යවරයා මේ පිළිබඳ පැවසූ බව ධීවර අමාත්‍යංශය මගින් මාධ්‍ය නිවේදනයක් නිකුත් කරමින් තහවුරු කරයි.
තමිල්නාඩු නව ධීවර අමාත්‍යවරයා වැඩිදුරටත් පවසා ඇත්තේ දෙරට අතර පවතින ධීවර ගැටලුව සම්බන්ධයෙන් ස්ථිරසාර විසඳුමක් ලබා ගැනීම සඳහා තමා ඇතුළු තමිල්නාඩුවේ නව ආණ්ඩුව කළ හැකි උපරිම මැදිහත්වීම සිදුකරන බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
