වරාය නගර පනත සම්මත කරගැනීම සඳහා පාර්ලිමේන්තුවේ තුනෙන් දෙකක බහුතරයක් අවශ්‍ය බවට මේ වනවිට රටේ අසත්‍ය ප්‍රචාරයක් පැතිරෙන බවත් එය සම්මත කර ගැනීම සඳහා සරල බහුතරයක් ප්‍රමාණවත් බවත් අධ්‍යාපන අමාත්‍ය මහාචාර්ය ජී.එල්.පීරිස් මහතා පැවසී ය.
අමාත්‍යවරයා (18) දින පාර්ලිමේන්තුවේ දී මේබව ප්‍රකාශ කළේ ය.
එය තවදුරටත් පැහැදිලි කළ අමාත්‍යවරයා, රජය විසින් ම ඉදිරිපත් කරන්නට යෙදුණු සංශෝධන ද පනතට ඇතුළත් කිරීමෙන් අනතුරු ව එය සරල බහුතරයකින් සම්මත කරගත හැකි බවත් පැවසී ය. එම නිර්දේශිත සංශෝධන බ්‍රහස්පතින්දා සභානායක විසින් එය කමිටු වාර්තාවට ඇතුළත් කිරීමෙන් අනතුරුව විශේෂ බහුතරයක් හෝ ජනමත විචාරණයක් පැවැත්වීමට කිසිසේත් අවශ්‍ය නොවන බව ද අමාත්‍යවරයා අවධාරණය කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
