එම අවස්ථාව සදහා කොළඹ ජාතික රෝහලේ අධ්‍යක්ෂ විශේෂඥ වෛද්‍ය W.K.වික්‍රමසිංහ, මහාභාරකාර නීතීඥ ගනේෂ් ධර්මවර්ධන, ගරු අධිකරණ අමාත්‍ය පෞද්ගලික ලේකම් නීතිඥ ජනක රණතුංග යන මහත්වරුන් ද එක්ව සිටියහ.
සෞඛ්‍යාරක්ෂිත උපකරණ පරිත්‍යාග කිරීමෙන් අනතුරුව අදහස් පළ කළ අධිකරණ අමාත්‍ය අලි සබ්රි මහතා මෙසේ සදහන් කළේය.
‘’මේ ඇති වී තිබෙන අවාසනාවන්ත තත්වය හමුවේ පොදුවේ සියලු දෙනාම එක්ව මේ අභියෝගයට මුහුණදීම සඳහා තම තමන්ට හැකි අයුරින් දායක විය යුතුයි. හැකි සෑම අවස්ථාවකම සෞඛ්‍යාරක්ෂිත පුරුදු අනුගමනය කරමින් නිවෙස්වලටම වී සිටීමට කටයුතු කරන ලෙසත්, තම තමන්ට හැකි ආකාරයට සෞඛ්‍ය බලධාරීන්ට හා අසල් වැසියන්ට උපකාර කොට මේ ව්‍යසන තත්වයෙන් අත්මිදීම සදහා කටයුතු කළ යුතුයි ‘’ යනුවෙන් සදහන් කළේය.
