කොවිඩ් 19 වෛරසයෙන් ආරක්ෂාව ලබාදීම සඳහා කම්කරු අමාත්‍යංශයේ සහ ඊට අයත් ආයතනවල සේවක සේවිකාවන් සියලු දෙනාට සයිනෝෆාම් එන්නතේ පළමු මාත්‍රාව ලබාදීම අද (19) පෙරවරුවේ නාරාහේන්පිට , මෙහෙවර පියෙස - කම්කරු අමාත්‍යාංශ පරිශ්‍රයේ දී සිදුකෙරිණි. කම්කරු අමාත්‍ය නිමල් සිරිපාල ද සිල්වා මහතාගේ උපදෙස් පරිදි අමාත්‍යාංශ ලේකම් පී.ඩී.යූ.කේ. මාපා පතිරණ මහතාගේ මෙහෙයවීමෙන් මෙම එන්නත්කරණ වැඩසටහන සංවිධානය කර තිබුණි.
කොළඹ ජන සෞඛ්‍ය දෙපාර්තමේන්තු වෛද්‍ය කාර්ය මණ්ඩලයේ දායකත්වයෙන් සිදු කෙරුණු මෙම එන්නත්කරණ වැඩසටහන සම්බන්ධීකරණය කරන ලද්දේ කම්කරු අමාත්‍යාංශය යටතේ ඇති ජාතික වෘත්තීය සුරක්ෂිතතා සහ සෞඛ්‍ය ආයතනයේ අධ්‍යක්‍ෂ ජනරාල් වෛද්‍ය චම්පිකා අමරසිංහ මහත්මිය ඇතුළු කාර්ය මණ්ඩලය විසිනි.
ඡායාරූපවලින් දැක්වෙන්නේ අමාත්‍යාංශ ලේකම් පී.ඩී.යූ.කේ. මාපා පතිරණ මහතාගේ සහභාගිත්වයෙන් අද පෙරවරුවේ එම වැඩසටහන ක්‍රියාත්මක වූ අයුරු ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
